La Setmana Occitana 2019 es acabada !

Estant-estudiants-òscaLa Setmana Occitana 2019 de l’associacion Òsca es acabada ! Del 8 al 11 d’abrial, los estudiants d’occitan de l’Universitat Tolosa Joan-Jaurès organizèron una setmana amb divèrsas animacions sul tèma del poèta menerbés Leon Còrdas. La tòca èra de participar a la difusion e la promocion de la lenga e cultura occitanas a l’universitat e dins la vila de Tolosa.

Raices-08-04-19-òscaComencèt, en partenariat amb lo CLAP (la bibliotèca Letras, Arts e Filosofia de l’UT2J), amb la mòstra del CIRDOC «Dins las piadas de Leon Còrdas» e la projeccion del film-documentari «Raices» de Christian Vialaret. Lo realisator enregistrèt sa pròpria familha per un polit film sus las tradicions familhas dins son vilatge natal de Tarn.

CxK-09-04-19-òscaVengut amb sos estudiants en Filologia Catalana e Estudis Occitans de l’Universitat de Lhèida per un escambi universitari, Aitor Carrera donèt una conferéncia sus la Val d’Aran lo dimars. Puèi, lo ròck del grop Courtial X Kogane ressonèt dins l’universitat, jol solelh e jos la granissa ! Estudiants e professors de tot cursus s’amassèron jol balet del gimnase, pel grand plaser de la còla d’Òsca, uroses de poder donar de visibilitat a l’eveniment. Sens oblidar los jòcs de fusta de Vam e Nhac a dispausicion de totes los estudiants pendent dos jorns a l’universitat.

Menestrellas-10-04-19-òscatriopatois-10-04-19-òsca

JoèlaGinestet-11-04-19-òscaLa Setmana Occitana contunhèt lo dimècres amb de concèrts al restaurant La Topina. Las poësias en cançons de Menestrellas, seguidas del duò, vengut ara lo triò P.A.T.O.I.S, encantèron lo public de La Topina. Enfin, Joèla Ginestet clavèt la Setmana amb una conferéncia sul paisatge menerbés e la paraula ritmada pels vents de Leon Còrdas.

Contenta de la capitada de la Setmana Occitana, la còla d’Òsca merceja totes los participants als diferents eveniments, puèi l’UT2J, lo CLAP, e La Topina, e tanben totes los estudiants e professors que s’impliquèron dins l’organizacion d’aquela setmana de fèsta. A lèu !

La còla de Òsca

 

 

Advertisements

Daissar un comentari / Laisser un commentaire

Please log in using one of these methods to post your comment:

WordPress.com Logo

You are commenting using your WordPress.com account. Log Out /  Cambiar )

Google photo

You are commenting using your Google account. Log Out /  Cambiar )

Twitter picture

You are commenting using your Twitter account. Log Out /  Cambiar )

Facebook photo

You are commenting using your Facebook account. Log Out /  Cambiar )

Connecting to %s