Setmana Occitana 2019

La Setmana Occitana de l’associacion Òsca se sarra ! Del 8 al 11 d’abrial, l’Universitat Tolosa II Joan-Jaurès e lo restaurant La Topina aculhiràn conferéncias, mòstra, concèrts e divèrsas animacions sul tèma del poèta menerbés Leon Còrdas. Lo poèta, tanben conegut per sas pèças de teatre, es un actor infatigable del militantisme occitan dempuèi las primièras oras de l’Institut d’Estudis Occitans aprèp-guèrra fins a son engatjament politic.

En partenariat amb lo CLAP (Centre de ressources Lettres, Arts et Philosophie de l’UT2J), vos prepausam de tornar descobrir sa vida, sos grands moments e sas òbras a travèrs la mòstra del CIRDOC «Dins las piadas de Leon Còrdas» e una conferéncia de Joèla Ginestet sul poèta de Menèrba. Al programa tanben, la projeccion del film «Raices» de Christian Vialaret, e la conferéncia d’Aitor Carrera, de l’Universitat de Lhèida (UdL), sus la Val d’Aran. Tota la setmana, los estudiants animaràn lo campus, amb d’animacions musicalas e los jòcs de fusta de l’associacion Vam e Nhac, e aculhiràn los estudiants de l’UdL per un escambi universitàri occitan-catalan.

De mancar pas, los concèrts del grop de ròck Courtial X Kogane a l’universitat lo dimars 9 d’abrial a 12o30, e dels grops Menestrellas e P.A.T.O.I.S a La Topina lo dimècres 10 d’abrial. Los estudiants de l’associacion Òsca vos convidan doncas a venir festejar amb eles aquesta Setmana Occitana 2019 !

 

DEL 8 AL 19 D’ABRIAL : 

affiche_dins_las_piadasMòstra « Dins las piadas de Leon Còrdas » del CIRDOC, en partenariat amb lo CLAP (Centre de ressorgas Letras, Arts e filosofia – Bastiment Lo Gai Saber)
Al CLAP (oràris de dubertura del CLAP)

«Aquela mòstra vos propausa un retorn suls grands moments e las òbras emblematicas del grand poèta de Menèrba. Fòrça conegut per sas pèças de teatre qu’an recampat de milièrs de personas a la fin del sègle XX. Leon Còrdas es tanben l’autor d’una òbra poetica remirabla e d’una antologia de poesia medievala de granda qualitat. De totas las luchas, demorarà un actor infatigable del militantisme occitan dempuèi las primièras oras de l’Institut d’Estudis Occitans aprèp-guèrra fins a son engatjament politic dins lo Partit Occitan.»

 

Diluns 8 d’abrial :

Raices_AfficheArbre15h
Projeccion del film «Raices» de Christian Vialaret – Sala de formacion del CLAP – GA048

« Dins aquela familha, Michel e Pépé aguèron pas la causida del mestièr exercit tota lor vida …
Dins aquela familha, Marie e sas sòrres transmeton un saber-far tradicional d’un monde rural que desapareis…
Dins aquela familha, Michel e Marie me laissèron la causida d’exercir lo mestièr que voliái, tenir una camerà, per immortalizar aquela mena de causas... »
Bandas anóncias : https://cine2000.org/raices/

 

 

Dimars 9 d’abrial :

Aitor-Carrera10h30
Conferéncia d’Aitor Carrera sus la Vall d’Aran – Sala GA062

« Aitor Carrera es professor de lenga e de lingüistica e sòci de la Cadièra d’estudìs occitanas a l’universitat de Lleida. Sa tèsi « Elements de variació diatòpica en el gascó de l’alta conca de la Garona » pòrta sul gascon parlat dins la Vall d’Aran e lo Comengés. »

 

Lectval Deyme jòcs10h > 14 h
Jòcs de fusta tradicionals

« Los jòcs de fusta de Vam e Nhac son la resulta d’una recerca sus las tradicions dels jòcs populars que se trapavan un temps dins los estanquets, las vòtas, las fèstas, las quermessas. Pauc son demorats vius en Occitánia alara que d’autras regions los an mai conservats. Totes los jòcs son pèças unencas, marcats en occitan, bastits simplament dins diferentas espècias de boès sens cap de plastic. Un catalòg presenta cada jòc en occitan e en frances : istoric, biais de jogar e règlas. »

 

 

 

CXK-Courtial-X-Kogane-854x569

12h30 > 13h30
Concèrt de Courtial X Kogane

« CXK, es lo paisan de Roèrgue que canta dins lo desèrt Californian. Una guitarra, una batariá e fai tirar ! Inspirat per la musica trad’occitana, CXK posa sos riffs dins la trança d’una musica millenària per una resulta enraiçada e francament en plen morre. L’un dopat al plaser visceral de cantar dins una lenga mespresada e l’autre dins la necessitat de jogar sa vida a cada tust de bagueta, lo duò en mòde versús s’adreça al public al biais d’un ON/OFF frontal. »

 

Dimècres 10 d’abrial :

18118871_1312624965459882_6084771674705909851_n10h > 14 h
Jòcs de fusta tradicionals

« Los jòcs de fusta de Vam e Nhac son la resulta d’una recerca sus las tradicions dels jòcs populars que se trapavan un temps dins los estanquets, las vòtas, las fèstas, las quermessas. Pauc son demorats vius en Occitánia alara que d’autras regions los an mai conservats. Totes los jòcs son pèças unencas, marcats en occitan, bastits simplament dins diferentas espècias de boès sens cap de plastic. Un catalòg presenta cada jòc en occitan e en frances : istoric, biais de jogar e règlas. »

 

duopatois19h
Concèrt a La Topina : Menestrellas e P.A.T.O.I.S
Plaça Lange, Arche 4 du Pont Saint-Pierre

Menestrellas: Lo poèta Camprós en musica, amb guitara e cajòn.

P.A.T.O.I.S : Pichòta Associacion de Tradicion Occitana e d’Intuicions SonòrasLo cant e las percussions que partejan dempuèi 8 ans dins La Mal Coiffée, son las aisinas d’aqueste duò qu’aima de se noirir del repertòri occitan.

 

Dijòus 11 d’abrial :


image> 10h30
Conferéncia de Joèla Ginestet sus Leon Còrdas – Sala GA254

Joèla Ginestet foguèt professora e Mèstra de conferéncias en lenga e literatura occitanas a l’Universitat Joan-Jaurès. Nos ven presentar la vida e l’òbra del poèta occitan Leon Còrdas.

 

 

 


Sens oblidar :

Fanny-BARRABES-1720x1719La mòstra de Fanny Barrabès suls tèxtes de Claudi Marti
A la BUC – UT2J
Estrena lo 14 de mai, en preséncia de Claudi Marti

 

Advertisements

One thought on “Setmana Occitana 2019

Daissar un comentari / Laisser un commentaire

Please log in using one of these methods to post your comment:

WordPress.com Logo

You are commenting using your WordPress.com account. Log Out /  Cambiar )

Google photo

You are commenting using your Google account. Log Out /  Cambiar )

Twitter picture

You are commenting using your Twitter account. Log Out /  Cambiar )

Facebook photo

You are commenting using your Facebook account. Log Out /  Cambiar )

Connecting to %s